Kunsten å spørje ein student om å tenke stort: #Realutfordring ft. Vipps

Middagsspleis. Nettbutikk. Bestemor. Slike ord har vi studentar beskrive Vipps sidan vi byrja å nytte appen. Det som fyrst verka som eit godt verktøy til å handsame pengar raskt, er no vevd inn i det norske samfunnet som brunost og ski; det har kome for å bli. Så korleis kan dette stykket Noreg bli sendt ut til Europa? Teamet i Vipps spurte seg sjølve kva dei kunne gjere for å utvide verksemda deira til Europa, der førespurnaden for kontantlaus betalingsmåtar er i eksponentiell vekst. 

Middagsspleis. Nettbutikk. Bestemor. Realfag. R E A L F A G ? ! ? 

Ved fyrste augekast verka det som ein «long shot». Å implementere realfagleg kompetanse i eit internasjonalt marknad verka veldig overveldande for mange, meg sjølv inkludert. Oppgåva vart enkelt forklart: korleis kan vi hjelpe Vipps med å satse i Europa? Som kjemistudent tenkte eg med det fyrste at eg var i feil rom. Men eg tok heldigvis feil. Saman med fire andre studentar frå ulike realfaglege studiar ved MatNat, fekk vi utveksla idear om korleis vi skulle danne grunnlaget til prosjektet vårt. På 30 timar starta vi med post-it-lappar på veggen og slutta med ein presentasjon til Vipps. Korleis gjorde vi det? 

Vi skulle sjå på ulike faktorar som skulle hjelpe Vipps å velje eit land, med tanke på berekraftsmål og samfunnsansvaret til Vipps. Vi plukka ut fleire land som kunne vere kandidatar for prosjektet, fann relevant informasjon og statistikk for kvar faktor, og nytta Excel til å lage ei oversikt over alle faktorane for kvart land i Europa. Vidare lagde vi eit verktøy i Python der brukaren bestemte sjølv kva faktorar var viktigast. Når brukaren tasta inn det dei ønska, blei ei oversikt over 10 mest aktuelle landa vist på skjermen. Desse landa varierte på kva brukaren vektla i faktorane. 

Når eg høyrte for fyrste gong at «realfag er overalt», himla eg med augo. Takk og lov eg blei bevist feil! I Word er det nytta millionvis av kode for at eg kan skrive dette innlegget. I datasentre som let bedrifter som Vipps køyre verksemda deira på skytenester, nyttar dei kjemien til å handtere karbonavtrykket for desse datasentera. Matematikarar får jobbe med bankane som samarbeider med Vipps for å knekke diverse problemstillingar knytte til finansverda. Alt det fekk eg bevist under oppdraget med Vipps. Realfagleg utdanning let deg satse på verda – og let verda satse på deg.  

Fem kjappe med Oscar

Hallais!

 

Ny dag, ny moglegheit å lese om ein studentambassadør. Og på nynorsk! :O

Eg er ny studentambassadør for MatNat i år, og vil fremje studiet mitt og realfagleg utdanning på UiB, så dykk skal få høyre litt om meg.

Kven er eg?

Eg heiter Oscar dos Santos Kvalsvik, og er 20 år gamal. Eg kjem frå Rio de Janeiro i Brasil, men er oppvakse i Fosnavåg på Sunnmøre.

Havperla Fosnavåg <3

Eg er ein solid ambivert som likar det sosiale like mykje som åleinetid. Eg er fleirspråkleg, og snakkar norsk, portugisisk, engelsk og spansk. Hadde eg ikkje studert realfag, hadde eg tenkt å studere lingvistikk, sidan eg elskar å lære meg nye språk. Desember er min favorittmånad, fordi ein feirar jul, nyttår og bursdagen min :)) Eg likar å ha ein litt travel kvardag, så lenge eg får mine åtte timar søvn.

Kva studerar eg?

Eg er andreårsstudent på bachelorprogrammet i kjemi. Kjemi er studiet om stoff og struktur; om kvifor Fridomsgudinna er grøn og ikkje raudbrun, kvifor biodrivstoff frå fornybare energikjelder er betre for klimaet, kvifor studentar er hekta på kaffi og Redbull, og kvifor mobilane våre får forlenga batteritid dess nyare modellar kjem på markedet.

Fyrste lab-arbeid for året

Kjemi er studiet om alt rundt oss. Eg er førebels på mitt tredje semester, av seks totalt. I bachelorprogrammet i kjemi får du god forståing av syntesar, analysar og teknologi, og får kunnskap i nærliggjande disiplinar som matematikk, molekylærbiologi og fysikk.

Kvifor valde eg kjemi?

Sidan eg var på barneskulen, ville eg bli lege. Men då karakterane ikkje strakk til, gjekk eg mot det eg var minst flink i, og det eg vart mest nysgjerrig på: kjemi. Eg gjekk ut av vidaregåande med 2 i kjemi, og forventa eg skulle droppe ut innan den fyrste veka. Men kjemien stemde til slutt 😉 Eg ville forbetre meg i disiplinen, og tenkte det er inga betre måte å gjere det enn å studere det. Eg elska laboratoriearbeid, så eg valde kjemi for å drive med syntesar og analysar. Etter bacheloren, er eg førebels usikker om eg vil byggje på kjemien eller gå over til medisin. Men den tid, den sorg.

Kvifor valde eg Bergen?

Utsikt frå Fløyen

Eg hamna på venteliste i Trondheim, og fekk tildelt plass i Bergen. Sidan eg hadde venar som studerte i Bergen og det var ikkje frykteleg langt frå Fosnavåg, enda eg å takke ja til studieplass, og eg angrar absolutt ikkje på valet. Med ein gong eg kom til Bergen, innsåg eg eg ville bli her etter studia óg.

Kva driv eg med utanfor studiet?

Eg har vore med i studentkorpset Musikselskabet Larmonien, og vore hendingsansvarleg for Kjemisk Fagutvalg (KFU), som er fagutvalet for kjemistudentane på UiB. I år er eg programstyremedlem for KFU, der eg jobbar tett med Kjemisk institutt med korleis bachelor- og masterprogramma i kjemi blir sett opp. Eg jobbar på ettermiddagane som privatlærar for Learnlink, som jobbar med nettundervising for elevar i grunnskulen og vidaregåande skule. Eg driv med styrketrening på Sammen sine treningssentre, så du finn meg enten på City eller Studentsenteret. Elles er eg (for) glad i Minecraft, musikk, politikk og all things medicine.

Ekstrarunde: Fem songtips!

  • arrow av half alive
  • Roadless av Frightened Rabbit
  • My Iron Lung av Radiohead
  • Circles av Jack Garratt
  • Sucker Punch av Sigrid (<Sunnmøre3)
1 stk trøtt student

Takk for meg!

5 kjappe med Martha

Hei!

Eg er ein av dei nye studentambassadørane ved matnat-fakultetet. Her kjem ein presentasjon av meg!

 

Kven er eg?

Mitt namn er Martha og eg er 24 år gammal. Eg kjem frå Husnes, som er ein tettstad sør i Vestland. Eg er nok godt over gjennomsnittet interessert i realfag, og spesielt korleis realfag kan forklare ting vi observerer i kvardagen vår. Kvifor svir vi på auga når vi kuttar løk? Kvifor blir chipsen seig etter å ha lege for lenge i skåla?

Kva studerer eg?

Eg har fullført lektorutdanninga i realfag ved UiB, med kjemi som hovudfag og biologi som fag nummer to. Masteroppgåva mi skreiv eg i ei fagretning som heiter kjemididaktikk, som handlar om korleis vi kan lære vekk kjemi best mogleg. Etter fem år på UiB er det framleis mykje eg har lyst til å lære. Derfor brukar eg poststudieretten til å studere mellom anna programmering og geografi. Poststudierett er ein rett til å studere vidare etter å ha fullført ei grad, enten bachelorgrad eller mastergrad.

Kvifor valde eg dette studiet?

Eg valde lektorutdanninga fordi den gjer det mogleg å kombinere djupnekunnskap i realfag med formidling. Eg har alltid likt å fortelje vidare ting eg sjølv har lært, og det gleder meg mykje når andre synest det eg fortel er interessant. Derfor valde eg å søke meg inn på lektorutdanninga, og eg har ikkje angra eit sekund.

Kvifor valde eg Bergen?

Eg har alltid tenkt at dersom eg skal vere lærar, så vil eg undervise eldre elevar. Rett og slett fordi eg er så interessert i kjemi og biologi sjølv, og ville lære faga i djupna. Derfor ønskte eg å ta ei universitetsutdanning. Eg starta rett på høgare utdanning etter vidaregåande, og med to og ein halv time reiseveg var UiB eit trygt og godt val for meg. I tillegg lokka fjella i Bergen.

Kva gjer eg utanom studiet?

Fjella er noko av det eg set mest pris på i Bergen. Eg har aldri vore særleg tilhengar av å trene på treningssenter, så for min del er fjella eit fint alternativ for å halde seg i aktivitet. Eg er også glad i å ta ein is i parken, ein kaffikopp på ei koseleg kafé eller å sitte i hengekøya og lese ei bok. I tillegg byr Bergen på ei rekke konsertmoglegheiter – for ein kvar smak.

 

 

Til slutt

Det er dårleg gjort å stille spørsmål i starten utan å komme med svar, så her kjem to kjappe forklaringar på dei innleiande spørsmåla.

Kvifor svir vi på auga når vi kuttar løk? Når vi kuttar løk stig det opp ein gass som inneheld svovel. I auga reagerer denne gassen og dannar svovelsyre (H2SO4, altså same stoff som er i batterisyre).

Kvifor blir chipsen seig etter å ha lege for lenge i skåla? Vi tenker gjerne at det er masse luft i chipsposen når vi kjøper den, men det er det ikkje. Det er nitrogengass (N2). Når chipsen kjem i kontakt med luft reagerer den med oksygen, og dette bidreg til å gjere chipsen seig.

Hva skjer dette semesteret når man studerer fiskehelse?

Hei og godt nytt år!

Jeg, Anna, din favoritt fiskehelsestudent, begynner på fjerde semester i studieløpet (av ti). Juleferien var lang i år, og nå kjenner jeg at jeg gleder meg til studiehverdagen og dens medfølgende rutiner!

Dette semesteret blir spennende og travelt, som alltid. Jeg skal ha tre fag, som tilsvarer 10 studiepoeng hver. Fagene jeg har dette semesteret er:

Havbruksteknologi, BIF200: Faget tar for seg teknologi knyttet til produksjon av laksefisk, i ferskvann og sjøvann. Faget har også fokus på landbasert produksjon i såkalt RAS-anlegg. Herunder vil kurset dekke ulike tema innen fysisk-kjemisk vannkjemi knyttet opp mot hvordan dette påvirker fisken sin velferd og helse. Aktuelle tema er gasser, metall, pH, bruk av grunnvann, overflatevann, brakkvann, transport av fisk og stress. Teknologien og kunnskapen om hvordan vi på best mulig måte skal produsere matfisk og rensefisk endrer seg veldig kjapt, så jeg håper dette kurset gir oss en up-to-date innføring i hvor langt teknologien har kommet. I følge kullet over er dette et kult og spennende fag, så dette lover godt.

Cellebiologi og genetikk, BIO103: Dette faget skal gi oss kunnskaper innen cellebiologi og genetikk, gjennom både teoretisk læring, men også en del labarbeid. Og med labarbeid følger som regel journal-skriving og muntlige presentasjoner knyttet til det vi har gjort og lært på laben. UiB.no skriver «Emnet skal gje oversikt over korleis ein kan studere celler, korleis eukaryote og prokaryote celler er bygde opp og fungerar, korleis celler haustar energi, deler seg og kommuniserar. Vidare skal det gje studentane forståing av korleis genetiske eigenskapar vert førde vidare frå foreldre til avkom, kva gener er, korleis DNA er bygd opp og organisert, korleis informasjon vert overførd frå DNA til RNA og til proteiner, og korleis uttrykk av genar er regulert». Dette er jo noe mange har hatt om i biologi på videregående, men også i innføringsfag første studieår. Dette faget tror jeg blir tidkrevende og jeg er spent på hvor spennende jeg finner det. Time will show!

Innføring i molekylærbiologi, MOL100: Faget skal gi en innsikt i moderne molekylærbiologi, med fokus på kjemisk, genetisk og evolusjonær forståelse av biologiske prosesser og systemer. UiB.no nevner disse temaene som sentrale «oppbygging av celler og skilnaden på pro- og eukaryote organismar, modelorganismar, genetikk, biomolekyl, proteinstruktur, enzymologi, metabolisme, bioenergetikk, fotosyntese, replikasjon, transkripsjon, translasjon, ernæring, sjukdom og helse, bioteknologi og molekylærbiologisk metodologi». Ryktet sier at dette faget er krevende, så jeg merker jeg er spent!

I tillegg til dette går jeg inn i mitt andre semester som nestleder i linjeforeningen min; linjeforeningen for fiskehelse og havbruk (LFFH). Dette semesteret skal LFFH arrangere hyttetur for 96 studenter til Voss, bedriftspresentasjoner, quiz, smoltifiseringfest (en slags sommerfest) og jobbe med flere bedrifter for å øke vår og deres synlighet.

Personlig skal jeg reise litt dette semesteret, noe som blir gøy! Turen går både til London og Budapest med venner, men også til Trondheim med studentambassadørene. Vårsemesteret kan virke langt, men jeg tror tiden kommer til å fly med så mye på tapeten!

10 kjappe med Emma

          1. Kven er eg?

    Eg heiter Emma, er 18 år og studerer lektor i realfaga kjemi og matematikk. Eg kjem frå ei lita bygd som heiter Tørvikbygd i Kvam Kommune, ca ein time og tre kvarter frå Bergen sentrum. Eg likar dei fleste lagidretter og har holdt på med håndball, volleyball, innebandy og fotball då eg budde heime. No har eg byrja på fotball att her i Bergen, og stortrivst med det. Ellers er eg medlem i trene sammen og nyttar meg aktivt av gruppetimane der!

           

    2. Kva studie går eg på?
    Eg går på studiet som heiter lektor i naturvitskap og matematikk, som er ein integrert master. Det vil seia at studie går over 5 år og fører til ein mastergrad utan at ein må ta ein bachelor fyrst. Integrerte masterprogram fører ofte til eit bestemt yrke, slik som at lektor i naturvitskap og matematikk fører til yrket som lærar i dei realfaga ein vel (eg har kjemi og matte) i vidaregåande skule og ungdomsskulen. Eg byrja rett på studie etter vidaregåande.
    3. Kvifor valde eg lektorstudie?
    Eg visste at eg ville jobba med menneske, og at eg likar realfag. Då eg skulle søkja hadde eg derfor medisin på fyrste plass og ganske tilfeldig lektor i realfag på andre plass. Då eg ikkje kom inn på medisinstudiet, visste eg at eg likavel ville byrja rett på studie, og bestemte meg for å takka ja til plassen i Bergen.

          

    4. Kva inngår i studiet?
    I studiet er det noko obligatorisk og ein del valfritt. I byrjinga av dette semesteret hadde eg obligatorisk lab i kjemi annakvar mandag. Me hadde fem øvingar på labben som var obligatoriske å delta på. No når me er ferdige er det berre seminar i pedagogikk som er obligatorisk, som er 2 timar i veka. Utanom det har me hatt ei veke obligatorisk praksis der me skulle observere undervisning på ungdomsskular. Elles har me totalt fem forelesningar i veka i kjemi, matte og pedagogikk og ein del grupper der ein kan sitja saman og løysa oppgåver.
    5. Kvifor ville eg studera i Bergen?
    Eg valde å studera i Bergen fordi at det ikkje er så langt heimafrå og at eg tenkte eg ville behalda deltidsjobbane mine heime. Bergen er også ein fin by med eit godt studentmiljø og vakker natur. Ein treng ikkje gå langt for å komma seg til topps på eit av dei sju fjell, noko som er luksus i seg sjølv.

           

    6. Kvar bur eg?
    Eg bur i eit kollektiv på Kronstad saman med seks andre. Me er tre jenter og fire gutar. I byrjinga syns eg det var noko kjipt då eg ikkje kjente nokon frå før av, men etter kvart som ein blei betre kjend og fekk på plass ein del husreglar betra situasjonen seg betrakteleg. Det er ca 20 minuttar å gå i frå kollektivet til realfagsbygget, og på grå regnværsdagar går bybanen frå stoppet tre min frå kollektivet.
    7. Kva deltidsjobbar har eg?
    Eg har fire deltidsjobbar. Eg er studentambassadør for matnat, som går ut på å helda presentasjonar om UiB matnat på vidaregåande skular og informera om UiB matnat via sosiale medium og andre plattformer. Eg jobbar og på ein rehabiliterings- og behandlingsavdeling heime i Kvam, der eg ofte er i helgane og av og til på ettermiddageane. I tillegg jobbar eg på Strandebarm sportell som er eit hotell spesielt retta mot idrettsutøvarar i alle aldrar og i Holmatun, som er eit ungdomshus i nabobygda heime.

 

    8. Kva gjer eg helst på om eg kan ta meg fri frå studia?
    Når eg har fritid til overs likar eg å trena gruppetimar på sammen (Kronstad), gå på fotball, vera med vennar eller slappa av for meg sjølv med ein serie eller saman med dei andre i kollektivet. Eller likar eg å gå på tur når det er fint ver i Bergen (relativt sjeldan).

          

    9. Favorittmat, favorittserie, favorittfilm?
    Favorittmat er nok avokado carbonara: cred til @fattigstudent!
    Favorittserie for tida er Team Ingebrigtsen og Greys Anatomy.
    Favorittfilmane mine er Fast & Furious serien.
    10. Tre kjappe:
    A – eller B – menneske? B.
    Serie eller musikk? Serie.
    Kaffi eller te? Kaffi.

Kjemi – på labben

Som lektor med hovudfaga kjemi og matematikk, må ein gjennom emnet kjem110. I dette faget er det både lab og forelesingar. Annakvar måndag er me på labben og utfører ulike forsøk. I går hadde me om redoks-reaksjonar og potensiometrisk titrering. Det er ein del arbeid både før (med forberedelsar) og etter (med labrapport), når det kjem til labarbeid – men det er veldig kjekt!

Labben varar i frå kl 10.00 til 16.00 (alt etter når ein er ferdig med forsøka), men som student er det viktig å gjera andre kjekke ting enn å berre studera. Difor valgte eg og to venninner å reisa på kino etter labben i går, og avventa arbeidet med labrapporten til i dag. Det førte til tre trøtte jenter i dag, men absolutt verdt det med tanke på avbrekk frå studie og overfylte tavler.

Likevel kom me godt i gang etter noko slumring med vekkjarklokka på morgonkvisten. Ved å sitja fleire saman føler ein på at ein er meir nødt til å arbeida med oppgåva, noko eg syns er veldig greitt! Difor satt me i kollektivet der eg bur og arbeidde med rapporten etter øvinga.

I 18-tida tok me turen på trening på Sammen City, til tross for regnveret. Då var det gruppetime og D.A.N.C.E som stod for tur, noko som var utfordrande men ekstremt artig!

Med travle (men kjekke) studiedagar blir det ofte seine middagar (om ein i det heile orkar å laga seg noko). Etter trening var det likevel wok som stod på menyen, og team Ingebrigtsen på skjermen for eit lite avbrekk i dag og.

<3-lig helsing lektorstudenten 🙂