Godt Nytt år

Hei alle og Godt Nyttår.

Det har vore eit spesielt år for dei fleste, for nokre meir enn andre. Året slutta for nokre på ein  tragisk måte, då eg tenker spesielt på hendinga i Gjerdrum. Tankar går til alle dei pårørde frå oss på realfag UiB. Det er uverkeleg og trist at noko slikt har hendt, spesielt midt i jula.

Det blei ein spesiell start på det nye året også på andre måtar. Søndag ettermiddag/kveld kom det nye, strenge restriksjonar for heile landet i forbinding med pandemien. Antalet folk som kan vere i lag vart redusert, det blir strengare å gå i butikkar og mange skular har heimeundervisning igjen. Det vart som forutsatt ei ny smittebølge etter jul. Både eg og andre har full forståelse for dette, men mange kjenner på litt frustrasjon over at dette kom heilt på slutten av den siste feriedagen. Eg kjenner fleire vgs-elevar og studentar som allereie har reist tilbake til hyblar og kollektiv der dei går på skule for å så få beskjed om at det blir heimeskule og ein kunne eigentleg ha vore lenger heime. Samtidig er det viktig å tenke på at dette skjer ganske kort tid etter hendinga i Gjerdrum, som gjer at det blir ein unntakstilstand. Dette er berre bagatellar i forhold til det. Personleg meiner eg at det er første prioritet å fokusere på denne hendinga og alle dei som er ramma der, det trur eg vi alle kan seie oss einige i.

Det blei ein spesiell slutt på 2020, også ein spesiell start på 2021. Vi legg bak oss eit vanskeleg år, men står nok i møte med eit nytt annleis og litt vanskeleg år, i alle fall halvår. Heldigvis har me no fått vaksine og vaksineringa i Norge har starta. Det går i rett retning og sjølv om mange er leie så begynnar me å sjå ein ende på det heile. Me håpar alle på at 2021 kan blir betre enn 2020, i alle fall litt etter kvert. Dugnaden er likevel ikkje over og me må stå på litt til. Det kan me klare! Derfor vil eg gi nokre tips til kva ein kan finne på til dei som av ulike grunnar er aleine no i starten av 2021 og føler seg litt motlause.

 

STORY-TEL

Eg har brukt storytel i over eit år og er kjempefornøgd. Her har du mange ulike lydbøker, både på Norsk og Engelsk. Det er likar så godt med å høyre lydbok er at eg kan gjere andre ting i mens, i motsetning til viss ein les ei bok. Viss eg går tur aleine høyrer eg alltid på lydbok. Eg høyrer når eg tar oppvask, heng opp klesvask, lagar mat osv. Spesielt no når ein ikkje får levd livet akkurat slik ein vil er det utruleg kjekt å dykke ned i ein annan sin forteljing og leve litt gjennom det. Du kan prøve Story-Tel gratis i 30 dagar utan bindingstid og eg anbefalar det på det sterkaste!

Mine tips: Viss du som meg likar koselege og litt spennande romanar anbefala eg bl.a. forfattarane Lucinda Riley, Jojo Moyes og Santa Montefiore. Eg har høyrd alle lydbøkene av dei som ligg på Storytel og likte alle veldig godt.

 

STRIKKING

Strikk ein gensar, eit panneband eller ei hue! Det er ikkje så vanskeleg som ein skulle tru og det finst utruleg mange gode videoar på youtube ein kan sjå på. Kanskje du til og med kjenner nokon du kan ringe for å få litt råd? Eg har nettopp begynt på min første gensar og det går utruleg bra til no! Viss ein ikkje vil gå i butikkar for å kjøpe garn og pinnar, kan ein enkelt finne alt ein treng på nettet og bestille. Det er eit kjekt tidsfordriv, det er kjekt å lage noko sjølv og ikkje minst så kan ein bruke det når ein er ferdig, eller det kan bli til ein fin presang til nokon.

 

GÅ EIN TUR

Det er ingenting som får meg til å føle meg betre enn å vere litt ute i frisk luft kvar dag. Om det berre er 10 min rundt i nabolaget så hjelp det! På dagar der det har vore dårleg ver eller travelt tar eg ein slik kort tur berre for å nett ha vore ute litt. På dagar med fint ver går eg gjerne lenger. Eit av mine to beste tips når ein går tur aleine er som eg nemnte før å høyre lydbok frå storytel. Det er utruleg kosleg. Det andre tipset mitt er å ha med headset eller øyreproppar og ringe nokon. Enten nokon i familien, ein venn, bestefar eller bestemor eller andre. Det er mange som føler seg einsame og aleine for tida og er trur dei alle fleste set pris på ein liten samtale. Sjølv om de ikkje har snakka på ei stund, eller det er nokon du vanlegvis ikkje snakkar med på tlf, ta ein sjans og prøv! Sannsynlegvis vil dei berre syns det er kjekt.

 

BAKE NOKO

Ein av mine favorittaktivitetar når eg har lite å gjer. Det er kjekt, det er godt og det er økonomisk! Om du ikkje syns det er så kjekt så er det vertfall godt og økonomisk, så to av tre. Eg likar godt å bake brød, rundstykker, ost og skinke horn, bollar og foccacia. Alle desse er perfekte og fryse ned og ha i lang tid framover. Då blir plutseleg måltida litt ekstra gode med heimebakst. Prøv då vel!

 

EKSPERIMENTER MED NYE RETTAR

Det har vore nokså kaldt ute fleire plassar i landet dei siste dagane og kva er vel då meir perfekt enn å vere inne i varmen og lage god mat på kjøkkenet. Som før blir det lite resturantbesøk og turar på byen. Kvifor ikkje då bruke nokre av dei pengane ein ellers hadde brukt på det, på å kjøpe inn å lage noko fanzy heime som du aldri har prøvd før? Brukt for eksempel matprat appen til å finne ein rett du vil lage. Eg og kjærasten min planlegger å prøve oss for første gong på raudvinssaus til hjortebiff som me har fått av foreldra mine til helga. Då skal me lage fløytegratinert potet/nepe/søtpotet lag på lag, og ha sellerirotpure ved sida av. Dette er ein litt dyr rett som me kanskje ikkje hadde tatt oss råd til ellers, men det blir likevell billigare enn på resturant, så kvifor ikkje bytte det ut med ein eksklusiv middag heime ein dag. Viss du er aleine, kanskje du kan få med deg nokon annan som også er aleine og så lagar de same rett på kvar dykkar kant med facetime?

Her er same rett berre med Lam som me hadde heime i jula.

 

Håpar de fekk nokon gode tips frå dette som de har lyst å prøve ut! Ellers ønsker eg alle ein god start på året og kryssar fingrane for at det blir betre etter kvar.

 

 

Kajsa

Korleis fag tar eg dette semesteret?

Hei!

 

I dag tenkte eg at eg skulle fortelje dykk om korleis fag eg tek dette semesteret. Eg går på tredje året på bachelor i molekylærbiologi, altså 5 semester. I bacheloren i molekylærbiologi har me ein del valgfag, og dette semesteret har eg då eit valgfag. Eg har og to fag som er obligatoriske å ta for å få ein bachelorgrad i molekylærbiolog. Desse obligatoriske emna er lagt opp til spesifikke semester i løp av dei tre åra, men det er mogeleg å flytte dei til andre semester viss ein vil det. Ein kan for eksempel endre litt på fagoppsettet viss ein vil reise på utveksling i to semester i staden for eit, der eit er det mest vanlege.

Dei to obligatoriske emna eg har i år er MOL203 «Gene structure and function» og MOL204 «Applied Bioinformatics». I tillegg til desse har eg valt å teke PHYS101 «Grunnkurs i mekanikk og varmelære». Eg har ikkje teke fysikk før, verken på vidaregåande eller på universitetet, så det kan blir spennande. Titlane til dei tre faga seier jo allereie litt om kva faga handlar om, men eg tenkte å gå litt meir inn i det og fortelje litt om korleis faga er lagt opp med førelesningar, kollokvier osv. Kva er obligatorisk og ikkje? Kva meinar eg er nyttig?

 

MOL203 handlar om å lære seg og forstå korleis det genetiske materiale er bygd opp og kva funksjonar det har, både i prokaryote og eukaryote celler. MOL203 er lagt opp med ein forelesing (av og til to) i veka. For dei som ikkje veit, er ein forelesing vanlegvis 2 x 45 min med 15 min pause i mellom. I tillegg har ein i MOL203 nokre spørjetimar i løp av semesteret der ein har moglegheit å stille spørsmål ein lurer på. Vidare er det fem kollokvier i løp av semesteret der ein jobbar saman med oppgåver knytta til pensum. Her kan det ofte vere lurt å ha gjort litt på førehand. Det er lurt å gjere ein god jobb med kollokvieoppgåvene då det ofte kan vere ein peikepinn til kva som kjem på eksamen. Elles må ein jobba ein god del på eiga hand då det er mykje detaljar ein skal lære seg. Det eg har gjort til no i dette faget er å lese og notere frå boka som høyrer til. Då likar eg å notere for hand då eg føler at eg lærer det betre, noko som og er bevist. Seinare kjem eg nok og til å benytte meg av youtube, der det ofte er gode videoar på molekylærbiologiske prosessar o.l. Eg kan spesielt anbefale «Khan Academy» som eg har brukt i fleire andre MOL-fag. Ingenting i MOL203 er obligatorisk.

MOL204 er som sagt bioinformatikk, altså eit fag som føregår mest på PC. Som det står på UiB sine nettsider er målet for MOL204 å gi kunnskap om og bli god på å bruke bioinformatiske metodar som er sentrale for gjennomføring av molekylærbiologiske forskingsprosjekt. I MOL204 er det ein forelesing i veka i tillegg til PC-LAB, som også er ein gong i veka, men denne varar i tre timar. PC-LAB er obligatorisk, så den må ein møte opp på. Der jobbar me i grupper på tre og tre med oppgåver me får utdelt. Dei fleste oppgåvene går ut på å leite opp informasjon om protein på nettet i ulike databasar, lære seg korleis slike databasar fungera og korleis ein lettast kan finne den informasjonen ein treng. Elles gjer eg ikkje så mykje anna i dette faget endå, då eg føler at eg får lært mykje både i forelesing og på PC-LAB. Seinare kjem eg nok til å lese og repetere i boka også.

 

PHYS101 er først og fremst eit fag for andre studieretningar enn fysikk og matematikk. Det er lurt å ta dette faget for å få litt grunnkunnskapar i fysikk som ein kan bruke innanfor sitt eige fagfelt. Her er det fokus på dei enklaste begrepa innan fysikk. Eg har ikkje hatt fysikk før, så derfor syns eg det var litt krevjande i starten, men no etter eg har jobba ein del med det går det ganske greitt. I PHYS101 har me to forelesingar i veka, men ein av desse er berre 45min. Me har og noko som heiter oppgåveløysing og rekneverkstad. Oppgåveløysing går ut på at ein student som er komen lenger i løpet enn oss går gjennom nokre oppgåver som me har fått på førehand. Dette varar like lenge som ein vanleg forelesing og me har det ein gang i veka. Rekneverkstad er og eit oppgåvesett me får utdelt og så har me oppmøte på zoom ein gang i veka der ein kan stille spørsmål om oppgåvene. Ingenting i PHYS101 er obligatorisk, men det er eit fag ein må ha mengdetrening i for å få til så eg anbefalar å gjere så mykje du klarar. I tillegg til tilboda eg nemnte over har eg gjort ein del oppgåver sjølv som eg har funne på nettet og i boka.

Mykje av undervisninga er no digital, men eg har vore heldig og har ca. 50/50 digitalt og fysisk. Eg syns det er fint å kunne møte opp på skulen då det er lettare å komme i gang med dagen når ein må møte opp til eit visst klokkeslett. Dei siste to vekene har all undervisning likevell føregått digitalt pga auking i smitte i Bergen. Eg håpar me kan gå tilbake til litt fysisk igjen no i løp av veka, men viss ikkje må ein berre gjer det beste ut av det. Heldigvis er det digitale mykje betre no enn det var på vårsemesteret når alt var nytt.

Eg håpar uansett dette har gitt litt innblikk av nokre fag du kan ta på det matematisk naturvitskaplege fakultetet på UiB og då to av faga som er obligatoriske på bachelor i molekylærbiologi.

 

Då håpar eg alle får ei fin veke og så snakkast me snart igjen!

Fjelltur i Bergen

Hei!

I dag tenkte eg at eg skulle fortelle litt om fjellturar i Bergen. I første omgang blir det dei mest populære turane som finst i Bergen, som då er dei sju fjella som Bergen er omringa av. Desse fjella heiter:

  • Lyderhorn, 396 moh
  • Damsgårdsfjellet 317, moh
  • Løvstakken, 477 moh
  • Ulriken, 643 moh
  • Fløyen, 320 moh (utsiktspunktet)
  • Rundemannen, 568 moh
  • Sandviksfjellet, 417 moh

Til no har eg gått til alle toppane utanom Lyderhorn. Grunnen til at eg ikkje har gått der endå er fordi det er litt lenger unna der eg har budd til no, og då er det fort å heller ta ein tur som er litt nærmare i ein travel kvardag.

Mitt favorittfjell har til no vore Løvstakken. Dei to første  åra mine i Bergen budde eg på Kronstad, som då er veldig nærme stien som går til Løvstakken. Eg benytta meg då mykje av dette fjellet og gjekk ofte ein kortare tur til det som heiter Strandafjellet, som er ca halvvegs opp til Løvstakken. Dette var ein perfekt tur å ta på ettermiddagstid når ein ville ut i naturen men ikkje hadde tid til å vere vekke så lenge. Grunnen til at det er ein av dei finaste turane etter min meining er fordi det er meir sti, skog og natur. Ein føler at ein kjem litt vekk frå byen og så er det mange forskjellige stiar opp dit som gjer at ein slepp å gå i kø slik det ofte kan bli til Ulriken og Fløyen. Eg som kjem frå ei lita bygd med mindre enn 3000 innbyggarar og er vandt til å omtrent ikkje møte nokon folk på tur, set utruleg pris på det.

Utsikt frå Strandafjellet, på ein gråversdag og ein finversdag.

 

Utsikt frå Løvstakken, her ser ein inn mot Fyllingsdalen, der eg bur no. Bergen sentrum blir då ca i motsett retning.

No når eg bur i Fyllingsdalen kan eg fortsatt gå til Løvstakken då Fyllingsdalen er på andre sida av fjellet. Men eg må sei at turane til Løvstakken er litt finare frå sentrum. Men no har eg funne meg eit nytt favorittfjell med tanke på kor eg bur no og at det skal vere litt lettvint i kvardagen, nemleg Damsgårsfjellet/Olsokfjellet. Då går eg frå Melkeplassen som ligg mellom Fyllingsdalen og Laksevåg. Frå meg går det ein buss dit som berre tek 5-6 minutt. Sjølve turen er og veldig kort, der eg brukar under ein halvtime opp. Heilt perfekt trimtur på ettermiddag etter skule eller liknande. Når eg har betre tid, som i helgene, tar eg gjerne bussen til Gyldenpris og går opp til Løvstakken eller til Årstad og går opp til Fløyen.

Damsgårdsfjellet i solnedgangen.

Når eg nemner Fløyen og at eg går opp frå Årstad, nærmare sagt Svartediksveien, tenker nokon kanskje at det ikkje er der ein har høyrd at ein går opp til Fløyen. Dette er og ein nokså populær veg, men ikkje like populær som frå Fløybana i sentrum. Personleg syns eg denne vegen er mykje finare og litt mindre folksom, så det kan vere eit godt tips viss ein likar det betre slik.

Slik ser stien opp til Fløyen ut så og sei heile vegen viss ein går frå Svartediksveien.

 

Utsikt frå Fløyen. Ein ser og her spinningtime via Sammen, som er ei populær treningskjede for studentar med rimelege prisar.

Ellers er trappene opp til Ulriken veldig populære. Der har ikkje eg vore so mykje då eg likar bedre sti, men det er veldig fin utsikt derfrå og ein god trimtur! Rundemannen er på same side, men nærmare Fløyen. Ein kan sei at det ligg litt bak og høgare oppe enn Fløyen. Der går ein viss ein går den populære turen over vidden, som då er frå Fløyen til Ulriken eller motsett.

Utsikt frå Ulriken.

Ulrikken ligg til høgre for Fløyen sett frå sentrum, medan Sandviksfjellet ligg til venstre. Når ein skal til Sandviksfjellet går ein gjerne Stoltzen opp, som og er steintrepper. Eg syns likevel dette er ein finare tur då det ikkje er like steinete og meir natur rundt enn opp til Ulriken. Det er og veldig flott utsikt frå Sandviksfjellet ut over fjorden og ein ser innover store delar av Bergen.

Sandviksfjellet.

Lyderhorn har eg som sagt ikkje gått til endå, men planen er å gjere det så snart som mogeleg då eg har høyrd at det er veldig fint. No har eg budd i Bergen i over 2 år så då føler eg at det er på tide at eg har «runda» alle dei 7 fjella. Etter dette er planen å prøve meg på litt andre turar litt utafor sentrum. Det gler eg meg til.

 

Busstips til nokre av turane, mine anbefalingar:

  • Strandagjellet/løvstakken: Bybana, gå av på danmarksplass.
  • Fløyen, gå opp frå høgre side av fjellet, buss 2 eller 3 frå sentrum, gå av på Årstadveien eller Statsarkivet
  • Damsgårdsfjellet, gå frå Melkeplassen, Buss 19 frå sentrum, gå av på Klauvsteinen

Eg vil påpeike at det er mange ulike stiar og vegar ein kan gå, og ulike plassar ein kan starte turen til eit og same fjell, så dette er berre mine erfaringar og mine tips som eg syns er greie.

 

Håpar de fekk noko ut av dette og at de vil prøve dykk på mange fine fjellturar i fine Bergen.

— Kajsa

Kor og korleis bur eg

Hei!

Det er mange bumoglegheiter når ein er student. Det mest vanlege er nok å bu i kollektiv eller i studentboligar. Studentboligar kan ein få aleine eller i lag med andre. Viss ein har studentbolig med andre kan ein enten dele alt utanom sitt eige rom eller ein kan ha privat bad, men dele kjøkken. Ein kan og leige leiligheit privat, enten aleine eller med andre. Nokre kjøper seg leiligheit, men det er kanskje mest vanleg viss ein har budd her litt først. Dei to åra eg har budd i Bergen har eg budd i leiligheit med kjæresten min. Der eg kjem frå er det langt til nærmaste vidaregåande skule, så dei aller fleste av oss flytta i kollektiv/hybel allereie når me var 15/16 år. Det var ein av grunnane til at eg ikkje hadde så stort behov for kollektivopplevinga som student, då eg allerede hadde gjort det i tre år. Men til alle dykk som ikkje har opplevd det før, anbefalar eg verkeleg å prøve det! Det er veldig sosialt og kjekt.

Eg tenkte å fortelje litt om kor og korleis eg bur som eit eksempel på korleis ein kan bu i Bergen. Det er ikkje så lenge sidan eg og sambuaren min flytta til Fyllingsdalen, som er litt utafor Bergen sentrum. Før dette budde me to år på Kronstad/Danmarksplass som er forholdsvis sentralt, i alle fall med tanke på realfagsbygget som ligg på Nygårdshøyden. Derfor tenkte eg å sammenlikne desse to for å gi eit innblikk i fordeler/ulemper med det å bu sentralt og det å bu litt utafor sentrum.

Grunnen til at me flytta til Fyllingsdalen var fordi me gjerne ville kjøpe leiligheit. Fordelen med å sjå litt utafor sentrum er då at prisen er noko heilt anna, og ein kan få ein del betre standard og storleik på leiligheiten for same pris som ein dårlegare leiligheit i sentrum. Dette var altså hovudgrunnen til at me såg utafor sentrum. MEN etter me hadde budd her nokre veker merka eg at det var mange andre fordeler med å ikkje bu så sentralt, i mitt tilfelle Fyllingsdalen. Det første føler eg seier seg sjølv, men det er mindre folk og ein føler ein har meir plass rundt seg, som er veldig deilig! Vidare er det meir grøntområde og det er rolegare om natta, som er ein stor fordel mtp søvn. Det er fleire fine badeplassar som ein kan nytte om våren og sommaren, der det ikkje er like fullt som i sentrum. Dette har vore heilt supert å kunne benytte no mtp corona. Ellers er det mange fine turmoglegheiter, til og med ein del gratis parkering i turområde viss ein har bil. Det finn ein ikkje i sentrum. Eg vil påpeika at det er mange fine turmoglegheiter frå sentrum og, Bergen er tross alt byen mellom dei sju fjell. Men viss ein bur litt utafor sentrum får ein kanskje oppleve endå fleire forskjellige fjellturar enn dei mest populære nærmast byen som ein kanskje ellers ikkje hadde funne. Då går ein og litt meir for seg sjølv, noko som eg likar. Eg har aldri vore noko fan av å gå i kø når eg skal ut i naturen. Dette er nokre eksempel på det eg syns eg betre med å bu i Fyllingsdalen enn på Kronstad.

Her er eit panoramabilete frå Damsgårsfjellet der ein ser noko av Bergen sentrum (++) til venstre og ein del av Fyllingsdalen til høgre. Fjellet i midten heiter Løvstakken og er etter min meining eit av dei finaste fjella i Bergen.

På den andre sida er Kronstad ein 8 minutters bybanetur frå sentrum, medan buss til sentrum frå der eg bur i Fyllingsdalen no tar ca 15 minutt. Bussar i Bergen, eller kanskje generelt er ofte forsinka, spesielt i rushtidene. Det er sjeldan bybana, då den i liten grad er avhengig av anna trafikk. Derfor vil eg sei at det absolutt var ein fordel med å bu på Kronstad. No når eg bur i Fyllingsdalen må eg ta buss for å komme meg skule, trening og venner. Når eg budde på Kronstad kunne eg gå til det meste på under ein halvtime og viss eg ville ta kollektiv gjekk det litt oftare. Generelt tek det litt lenger tid å komme seg rundt no når eg bur i Fyllingsdalen, men for min del veg det opp for alt det positive ved å bu her. I tillegg skal det komme bybane hit om to år!

Eit utsnitt av eit kart der ein ser Fyllingsdalen nede til venstre og Kronstad ca midt på kartet litt under Bergen sentrum.

Avslutningsvis vil eg sei at for min del trivest eg absolutt best i Fyllingsdalen. Men eg hadde og to fine år på Kronstad og vil anbefale nye studentar og andre som flyttar til Bergen å bu litt nærme sentrum i starten. Dette fordi det då er litt lettare å vere med på alt som skjer og ein blir betre kjend med byen.
Eg håpar dette kan ha vore litt til hjelp for dei som lurer på korleis det er å bu ulike plassar i Bergen.

Fyllingsdalen, i nærheiten av der eg bur med Løvstakken i bakgrunnen.

 

Me snakkast!

5 kjappe med Kajsa

Heii! Eg er ein av dei nye studentambassadørane til MatNat (Det matematisk naturvitskaplege fakultetet) på UiB (universitetet i Bergen) og no skal dykk få bli litt betre kjend med meg.

Kven er eg? Eg heiter Kajsa og er 22 år gammal. Eg kjem frå ei veldig lita bygd som heiter Vik og ligg i det gamle Sogn og Fjordane. Eg er ei utadvendt og sosial jente som likar å vere med på mykje. Derfor gler eg meg veldig til å få bli med i teamet av studentambassadørar dette skuleåret!

Kva studerar eg? No i haust startar eg på mitt tredje og siste år på bacheloren i molekylærbiolog. Eg trivest veldig godt på studie og med realfag, så planen til neste år er å enten fortsette på med ein master i molekylærbiologi eller å gå litt meir mot kjemi. Eg syns kjemi var veldig vanskeleg på vidaregåande og var ganske sikker på at eg ville gå meir mot biologi, men etter å ha hatt nokre kjemiemne på bachelorgraden min må eg sei at det kanskje er noko av dei kjekkaste faga. Ein kan endre seg og det er lov! Så no vil eg bruke dette halvåret/året på å finne ut av kva eg skal etter bacheloren.

Kvifor valde eg dette studie? Grunnen til at eg valde dette studie var fordi eg likte godt realfag og då spesielt biologi på vidaregåande. Eg sto mellom bachelor i biologi og bachelor i molekylærbiologi. For min del er eg glad det vart molekylærbioologi, då det handlar litt meir om prosessar i kroppen og korleis ulike mekanismar der fungerer, og ikkje så mykje planter, evolusjon og økologi. Det var den delen av biologien som var mest interessant for meg.

Kvifor valde eg Bergen? Bergen er ein veldig fin by som eg har vore mykje i då det er knappe tre timars køyretur frå heimplassen min. Eg hadde derfor god kjennskap til plassen og har alltid trivdes her. I tillegg hadde eg høyrt at universitetet i Bergen hadde eit godt studentmiljø, som viste seg å stemme veldig godt! Eg er veldig heimekjær, så det er ein stor fordel med alle dei fine fjella som kan minne litt om heime og sjølvsagt at det ikkje er så lagt å reise heim.

Kva gjer eg utanom studie? Eg elskar å gå i fjellet og å vere på tur, så der er Bergen heilt perfekt for meg. Det har ikkje alltid vore slik, men eg har foreldre som alltid har vore mykje på tur, så eg kan takka dei for at dei tok med meg med sjølv om eg ikkje hadde så lyst. Til slutt vart eg og veldig glad i å gå tur. Elles er eg utruleg glad i å lage mat, høyrer masse lydbok (anbefalar storytel på det sterkaste) og er mykje med folk då eg likar å vere sosial. Sjølv om eg er ganske sosial syns eg og det er godt å ha rolege kveldar heime med kjærasten min der me ser tv og lagar god mat ilag. For ikkje lenge sida fekk eg meg og ein chilliplante! Så prosjektet mitt no for tida er å halde livet i den og å laga masse god mat med chilli i. Det går veldig greit enn så lenge og så håpar eg den overlever vinteren.

Gler meg til å vere meir her utover semesteret, me snakkast!